Беларусы адзначаюць Радаўніцу: што забаронена рабіць у гэты дзень

У аўторак пасьля велікоднай сядміцы праваслаўная царква на землях усходніх славян адзначае Радаўніцу – дзень памінаньня памерлых.

У гэтым годзе дзень, калі царква заклікае вернікаў ня столькі смуткаваць, колькі радавацца за памерлых сваякоў, прыпадае на 7 траўня.

Як і ў любую іншую царкоўную дату, на Радаўніцу шмат чаго нельга рабіць. Вось асноўныя забароны, устаноўленыя царквой: лаяцца і брыдкасловіць; прыбіраць магілы і фарбаваць агароджы (гэта неабходна зрабіць загадзя); аб'ядацца і напівацца (памінальная трапеза павінна быць сьціплай і без ужываньня алькаголю); нельга памінаць памерлых гарэлкай і паліць.

Таксама не рэкамэндуецца пакідаць на магілах ежу – яна прыцягвае бяздомных жывёл, якія апаганьваюць зямлю. Памінальны стол лепш накрыць дома пасьля прыходу з могілак.

naviny.by/ав