Украінцы эвакуявалі палякаў з Сырыі

Міністэрства замежных справаў Польшчы падзякавала Ўкраіне за дапамогу ў эвакуацыі польскіх грамадзянаў з сырыйскага горада Алепа.

Кіраўнік польскай дыпляматыі паведаміў на Твітэры, што дзякуючы падтрымцы ўкраінскіх дыпляматаў з акружанага гораду ўдалося вывезьці 15 палякаў. Міністар Радаслаў Сікорскі падзякаваў за гэта кіраўніку ўкраінскага МЗС.

Палякі выляцяць з Сырыі сёньня ўвечары ў Кіеў. У раёне гораду Алепа надалей застаецца група польскіх грамадзянаў, якія аднак ня хочуць пакінуць Сырыю.

аз