Расьце зьнешнегандлёвы абарот Польшчы
PR dla Zagranicy
Elvira Sienkiewicz
12.02.2013 17:22
У 2012 годзе кошт тавараў, прададзеных Польшчаю за мяжу, вырас амаль на 7 адсоткаў у параўнаньні з 2011 годам.
У сваю чаргу імпарт павялічыўся на 2,4 адсотка.
Як сьцьвярджае Цэнтральнае статыстычнае ўпраўленьне, летась палякі экспартавалі тавараў на 600 млрд злотых, а імпартавалі на 640 млрд. Такім чынам, адмоўнае сальда ў замежным гандлі скарацілася на адну траціну.
У экспарце зьмяншаецца ўдзел асноўнага гандлёвага партнэра Польшчы – Нямеччыны, які зьнізіўся да 25,1 адсотка.
У 2012 годзе назіраўся рост экспарту ў Расею, Украіну, Вялікабрытанію ды Славаччыну. У сваю чаргу скараціўся вываз тавараў у Італію ды Швэцыю, а імпарт – зь Вялікабрытаніі, Нямеччыны, Францыі ды Італіі.
эб