На Эльбрусе працягваюцца пошукі паляка

23-гадовы паляк адправіўся на самую высокую вяршыню Каўказу разам зь сябрам зь Ірану. Ягоны лёс пакуль застаецца невядомым.

Апошні кантакт з польскім альпіністам быў 9 сакавіка, пра што ўчора ягоная сям'я паведаміла пасольства Польшчы ў Маскве. Дыпляматы паінфармавалі пра зьніклага паляка Міністэрства па надзвычайных сытуацыях.

Сёньня зранку ратаўнікі з Кабардына – Балкарыі выйшлі ў горы. „Пошукі вядуцца на вышыні 4100 мэтраў. Да гэтага часу безвынікова,” — паведаміў прэс-сакратар мясцовага ратаўнічага цэнтру Мурат Апажыхаў.

Калі паляк ня знойдзецца сёньня, пошукі будуць узноўленыя ў нядзелю азолку.

эб