Мяса мёртвых жывёл з бойні трапіла ў продаж
PR dla Zagranicy
Elvira Sienkiewicz
26.03.2013 13:12
Мяса хворых або мёртвых жывёл з бойні ў мясцовасьці Бяла Раўска трапіла ў продаж у пяці польскіх ваяводзтвах.
Гэта выявіла раённая пракуратура Равы Мазавецкай (лодзінскае ваяводзтва).
Як паведаміў прэсавы сакратар пракуратуры г. Лодзь Кшыштаф Капаня, уладальнікі фірмаў, якія закупілі мяса, будуць выкліканыя на допыт.
Уладальнік скатабойні, 43-гадовы Пётр М. выйшаў з арышту пад заклад (150 тысяч зл.). Яму пастаўленыя абвінавачваньні ў махлярстве і парушэньні крымінальнага заканадаўства па артыкулах аб ахове здароўя жывёл. Яму пагражае да васьмі гадоў пазбаўленьня волі.
эб