Палякі адмоўна ацэньваюць сямейную палітыку дзяржавы

Палякі не задаволеныя сямейнай палітыкай дзяржавы, - пра гэта сьведчаць вынікі апытаньня, праведзенага Цэнтрам дасьледаваньня грамадзкай думкі (CBOS). Толькі адзін з васьмі апытаных (13%) задаволены дзеяньнямі ўраду па гэтым пытаньні.

Крыху больш за палову (51%) апытаных лічаць сямейную палітыку дзяржавы дастатковай, а 32% - недастатковай.

Тым ня менш, цягам апошняга году стаўленьне грамадзянаў да гэтай сфэры дзейнасьці дзяржавы палепшылася. На 19% скараціляся доля рэспандэнтаў, якія адмоўна ацэньваюць сямейную палітыку польскага ўраду.

Пераважная большасьць палякаў (71%) бачыць неабходнасьць заахвочваць людзей да большай колькасьці дзяцей. 23% рэспандэнтаў гэткай патрэбы ня бачаць.

Гэта рашучая зьмена, паколькі яшчэ ў 2000 годзе большасьць апытаных палякаў заяўляла, што дзяржава не павінна заахвочваць да гэтага сваіх грамадзянаў.

аз