У Варшаве прайшла беларуская імша

3 лістапада ў Варшаве прайшла імша на беларускай мове. Набажэнства адбылося а 14.30 ў кляштары айцоў-дамініканаў (вул. Дамініканская, 2).

„У новым навучальным годзе мы зноў зьбіраемся на Сьвятую імшу па-беларуску й нашыя традыцыйная беларускія спатканьні”, - кажуць арганізатары мерапрыемства.

Імшу служыў кс. І. Копач, які ўжо больш за 20 гадоў зьяўляецца душпастырам супольнасці „Каштоўная пэрліна” ў менскім Чырвоным касьцёле.

Як заўсёды, пасьля імшы адбылася інтэграцыйная сустрэча.

nn.by/аз