Кіроўцы стаяць у заторах і трацяць грошы

Гэта значыць, што сярэднестатыстычны паляк з-за ўскладненьняў руху губляе 1 тысячу даляраў штогод.

Варшаўскія кіроўцы пацьвярджаюць, што ў корках трацяць нэрвы, час і грошы.

Сярод дасьледаваных гарадоў найгоршая сытуацыя ў Кракаве, кажа Рафал Мікалайчык зь фірмы targeo.pl, якой належыць партал з мапамі і інфармацыяй пра сытуацыю на дарогах. „У Кракаве кіроўцы ў заторах у сярэднім стаяць 7 гадзін 43 хвіліны ў месяц.”

Найлепшыя месцы ў рэйтынгу занялі Катавіцэ і Гданьск. Там кіроўцы стаяць у корках менш за 5 гадзін у месяц.

Прычыны затораў – разнародныя: дрэнны гарадзкі транспарт, адсутнасьць сынхроннай працы сьветлафораў, а таксама самі кіроўцы, адзначае Рафал Антчак з дарадчыцкай фірмы Deloitte, якая падрыхтавала рапарт.

"Пастаянныя правіны кіроўцаў наступныя: яны блякуюць скрыжаваньне, а паліцыя на гэта не рэагуе. Таксама паркаваньне машын на дарозе. Часам гэта дазваляецца правіламі дарожнага руху, аднак, па-мойму, гэта сумнеўна, бо дарога служыць для перамяшчаньня машын, а не для паркоўкі."

Аўтараў рапарту прыемна зьдзівіла Варшава, якая яшчэ нядаўна мела найбольш непраездныя дарогі. Цяпер сталіца заняла чацьвёртае месца сярод дасьледаваных польскіх гарадоў.

яс