Спэцслужбы правяраюць «Kulczyk Holding» і «CIECH»

Супрацоўнікі Цэнтральнага антыкарупцыйнага бюро ўвайшлі ў офісы кампаній «Kulczyk Holding» і «CIECH». Таксама правялі ператрус у кватэры двух дырэктароў «CIECH».

Справа тычацца парушэньняў у працэсе прыватызацыі кампаніі. У чэрвені 2014 адна з суполак групы «Kulczyk» купіла большасны пакет акцый «CIECH». У сьнежні аб парушэньнях у прыватызацыі «CIECH» паведаміла Вышэйшая кантрольная палата. Паводле паведамленьня, акцыі кампаніі прадаліся па цане, якая не адлюстроўвала яе сапраўднай вартасьці. Міністэрства фінансаў было абвінавачана ў безгаспадарчасьці.

Пытаньне аб прыватызацыі «CIECH» расьсьледуе пракуратура.

«CIECH» паўстаў у 1945 годзе. Сёньня гэта лідар польскага хімічнага рынку і адна з буйнейшых кампаній міжнароднага ўзроўню.

яс