Будынак Габрэйскага тэатру ў Варшаве зачынены (ФОТА)

Кампанія „Gelamco” зачыніла будынак, у якім месьціцца варшаўскі Габрэйскі тэатр. З-за гэтага ўчарашні спэктакль „Скрыпач на даху” не адбыўся. Аднак акторы выйшлі да публікі на Гжыбоўскую плошчу й сьпявалі песьні зь мюзыкла.

„Гэтая кампэнсацыя для публікі,” - кажа Дарота Флінкэр (Dorota Flinker) з Габрэйскага тэатру. Акторы цягам некалькіх бліжэйшых дзён плянуюць іграць мюзыкл на плошчы ля тэатра.

Уладальнік будынку кампанія „Gelamco” кажа, што будынак не адпавядае асноўным нормам пажарнай бясьпекі. Гарадзкія ўлады склікалі спэцыяльную камісію, якая павінна распачаць перамовы з уласьнікам.

ФОТА: PAP/Paweł Supernak

аз