Заўтра ў пракуратуры дапытаюць Дональда Туска

Дырэктар Службы вайсковай контрразьведкі (СВК) Польшчы Пётр Бончэк (Piotr Bączek) паведаміў, што яго спэцслужба падала ў пракуратуру дакумэнты, датычныя арганізацыі прэзыдэнцкага рэйсу ў Смаленск 10 красавіка 2010 году. Пра гэта галоўны вайсковы контрразьведчык Польшчы паінфармаваў у эфіры інфармацыйнага каналу Polskie Radio 24. Пры гэтым Бончэк зазначыў, што ня можа паведаміць падрабязнасьці, паколькі справа ахопленая грыфам “цалкам сакрэтна”.

П.Бончэк: Зьмест дакумэнтаў, пададзеных у пракуратуру, ахоплены грыфам “цалкам сакрэтна”. Мы таксама падалі дакумэнты, датычныя супрацы ў мінулым паміж СВК і расейскай ФСБ. У чацьвер па гэтаму пытаньню павінен быць дапытаны ў пракуратуры былы прэм’ер-міністар Польшчы Дональд Туск.

Паводле Бончэка, візыт у красавіку 2010 году быў арганізаваны з парушэньнем працэдур, і ня толькі з боку Бюро аховы ўраду й МЗС Польшчы, але й з боку СВК.

Нагадаем, у выніку авіякатастрофы польскага ўрадавага самалёту Ту-154М 10 красавіка 2010 году пад Смаленскам загінулі 96 чалавек, у тым ліку прэзыдэнт Польшчы Лех Качыньскі й яго жонка Марыя.

вс