У Польшчы аднаўляюць грамадзкі транспарт у правінцыі

Урад плянуе стварыць адмысловы фонд, які будзе фінансаваць аднаўленьне аўтобусных рэйсаў. Кіроўная партыя «Права і справядлівасьць» імкнецца такім чынам змагацца з так званым «камунікацыйным выключэньнем». У многія мясцовасьці ў Польшчы немагчыма даехаць на грамадзкім транспарце.

З дзяржаўнага бюджэту выдзяляецца на гэты праект 300 млн злотых ($80 млн) у гэтым годзе, у наступных – 800 млн ($210 млн) . Заплянавана, што праект будзе ажыцьцяўляцца да 2028 году. Адказнасьць за ажыцьцяўленьне будуць несьці муніцыпальныя ўлады, і яны таксама будуць удзельнічаць у яго фінансаваньні.

Аднаўленьне маршрутаў мясцовага грамадзкага транспарту зьяўляецца адной з галоўных задач гэтак званай «пяцёркі Качыньскага».

Законапраект трапіў на разгляд Сэйму.

яс