Генпракуратура: памяняць працэдуры

Генэральны пракурор Анджэй Сэрэмэт хоча ануляваць польска-беларускае паразуменьне, якое дазваляе акруговым і рэгіянальным пракуратурам у Польшчы й Беларусі непасрэдна абменьвацца дакумэнтамі.

Учора ўвечары Генпракурор Польшчы ўдзельнічаў у супольным надзвычайным паседжаньні сэймавых камісіяў: замежных справаў і сувязі з палякамі замежжа, якое прайшло па справе Алеся Бяляцкага.

Гаворка ідзе пра выдачу беларускаму боку інфармацыі пра банкаўскія рахункі кіраўніка беларускага праваабарончага цэнтру „Вясна” .

Паводле Анджэя Сэрэмэта, адмова ад польска-беларускага паразуменьня азначала б, што ўсе заявы Беларусі з просьбай аб юрыдычнай дапамозе разглядала б выключна Генпракуратура. Гэта, на думку генэральнага пракурора, дазволіла б прадухіліць гэткія памылкі, як у выпадку Алеся Бяляцкага.

аз