Сэйм праверыць актыўнасьць беларускіх дэпутатаў у Польшчы

Камісія па сувязях з палякамі замежжа Сэйму рыхтуе дэпутацкія запыты аб актыўнасьці беларускіх парлямэнтароў на тэрыторыі Польшчы.

"Мы хочам атрымаць інфармацыю на гэтую тэму ў МЗС і прысьвецім гэтаму пасяджаньне камісіі", — заявіў Польскаму агенцтву друку старшыня камісіі Адам Ліпіньскі. Ён падкрэсьліў, што "з боку польскага МЗС павінна быць адпаведная рэакцыя".

Нагадаем, учора на памежным пераходзе "Брузгі" шасьцярым дэпутатам польскага Сэйму было адмоўлена ва ўезьдзе ў Беларусь без тлумачэньня прычын, нягледзячы на наяўнасьць у іх дыппашпартоў.

кр/ PAP