Галадоўка за заняткі па гісторыі

Адзін з галадоўнікаў – Мар’ян Стах, трапіў у шпіталь. Лекары паведамілі, што ягоны стан добры, але адмовіліся казаць, як доўга будзе трываць яго шпіталізацыя.
Вось ужо 9-ы дзень у Кракаўскім касьцёле салезіянаў ідзе галадоўка. 9 актывістаў руху “Салідарнасьць” з 1980-ых гадоў пратэстуюць такім чынам супраць плянаў Міністэрства адукацыі зьмяніць навучаньне гісторыі ў школах. Пратэтоўцы кажуць, што яны супраць скарачэньня гадзін навучаньня гісторыі. Менавіта так, на іх думку, трэба разумець міністэрскія пляны.

Учора пагоршыўся стан здароўя Мар’яна Стаха, былога працаўніка камбінату ў кракаўскім мікрараёне “Нова гута”. Пасьля гэтага ён трапіў у шпіталь.

юл