Канфуз перад „EURO-2012”

Сур’ёзным канфузам закончыліся вучэньні ратавальных службаў на варшаўскім Нацыянальным стадыёне. Вучэньні былі праведзеныя напярэдадні Чэмпіянату Эўропы па футболе „EURO-2012”.

Мэдычныя ратаўнікі, паліцыянты ды пажарнікі прапрацоўвалі дзеяньні на выпадак нешчасьлівага здарэньня з удзелам 120 параненых.

Не спрацаваў нумар тэлефону службаў ратаваньня - 112, на які ўдзельнікі акцыі бязвынікова тэлефанавалі амаль 10 хвілінаў.

Прадстаўнікі сталічнага бюро бясьпекі запэўніваюць, што справа з занятым ратавальным нумарам будзе высьветленая.

Арганізатары вучэньня пра сур’ёзны канфуз з нумарам 112 паведамілі паліцыю ды Міністэрства ўнутраных справаў.

аз