Ракеты НАТО на турэцка-сырыйскай мяжы

Такім чынам альянс будзе абараняць турэцкую тэрыторыю ад магчымых сырыйскіх ракет.

У Турцыю ўжо прыляцеў аддзел амэрыканскага войска, неўзабаве прыбудзе 200 галяндзкіх жаўнераў. У НАТО адзначаюць, што войска вязе з сабою толькі супрацьракетную тэхніку, а ня тэхніку, прызначаную для атакі.

НАТО прыняло рашэньне разьмясьціць ракеты Пэртыёт пасьля таго, як у кастрычніку ў выніку абстрэлу з сырыйскага боку загінула пяць туркаў. “Мы здольныя перахапіць ракеты, выстраленыя з адлегласьці трох кілямэтраў. Ад моманту выстралу ракеты Пэтрыёт да зьнішчэньня чужой ракеты мінае тры хвіліны”, - кажа палкоўнік Эры Абма.

У суме на турэцка-сырыйскай мяжы будзе знаходзіцца каля 400 жаўнераў НАТО. Рашэньне альянсу раскрытыкавала ня толькі Сырыя, але й Расея. Масква пабачыла ў гэтым пагрозу для сваёй тэрыторыі.

ав