Працэс над экс-дыктатарам Гватэмалы спынены

Канстытуцыйны суд Гватэмалы пастанавіў спыніць працэс былога прэзыдэнта краіны Эфраіна Рыаса Монты й былога кіраўніка вайсковай выведкі Хасэ Радрыгеса Санчэса.

Канстытуцыйны суд пастанавіў, што ў справе не былі выкананыя ўсе неабходныя юрыдычныя працэдуры.

Гэтае рашэньне выклікала абурэньне сваякоў ахвяраў і тых, хто выжыў у гады тэрору.

За працяг працэсу выказаліся таксама шэраг міжнародных арганізацый.

Суд па справе былога прэзыдэнта краіны Эфраіна Рыаса Монты пачаўся напрыканцы сакавіка гэтага года.

Рыаса Монта й ягонага паплечніка вінавацілі ў датычнасьці да забойстваў амаль 2 тысячаў індзейцаў у паўночным дэпартамэнце Кічэ ў гадах 1982-1983. Гэта адбылося ў рамках палітыкі, накіраванай супраць прыхільнікаў левых паўстанцаў.

РІА „Новости”/аз