Італія не ігнаруе тэрарыстычнай пагрозы

Асаблівая ўвага надаецца бясьпецы замежных дыпляматычных прадстаўніцтваў у Італіі, а таксама шэрагу іншых важных аб'ектаў, размешчаных у італьянскай сталіцы.

Адмысловыя крокі прадпрынятыя ў сувязі з заявамі ўладаў ЗША аб магчымай тэрарыстычнай пагрозе.

Супрацоўнікі праваахоўных органаў, у тым ліку, сапэры праводзяць маштабныя праверкі ў шэрагу раёнаў Рыма, у прыватнасьці, абследуюць каналізацыйныя люкі. Галоўная ўвага засяроджаная на тэрыторыі блізу пасольстваў ЗША, а таксама Вялікабрытаніі, Гішпаніі і шэрагу іншых краін ЭЗ.

Нагадаем, раней дзярждэпартамэнт ЗША папярэдзіў суграмадзян па ўсім сьвеце пра пагрозу тэрактаў, якая працягнецца да канца жніўня. З увагі на бясьпеку ЗША закрылі амаль 30 амбасадаў і консульстваў на Блізкім Усходзе і ў Афрыцы, 19 зь якіх - да 10 жніўня.

эб/РИА Новости