У Менску адбудуцца перамовы па стабілізацыі Ўкраіны

Прэс-сакратар урада Нямеччыны заявіў, што ў сераду ў сталіцы Беларусі пройдуць перамовы аб сытуацыі ва Ўсходняй Украіне з удзелам уладаў у Кіеве, кіраўнікоў Расеі, Францыі і Нямеччыны.

Прэзыдэнт Расеі Уладзімір Пуцін на сумеснай прэс-канфэрэнцыі з Аляксандрам Лукашэнкам пацьвердзіў, што сустрэча адбудзецца. Аднак жа серада будзе актуальнай, калі ўдасцца дасягнуць кампраміс па пытаньнях, якія цяпер зьяўляюцца прадметам інтэнсіўных перамоваў.

На сустрэчы ў Менску прымуць удзел канцлер Нямеччыны Ангела Мэркель, прэзыдэнт Францыі Франсуа Алянд, прэзыдэнт Расеі Ўладзімір Пуцін і галава Ўкраіны Пятро Парашэнка.

Паводле прэс-сакратара нямецкага ўраду, Штэфэна Зайберта, мэтай перамоваў будуць пошукі „усебаковага вырашэньня канфлікту”.

яс