Мошчы Яна Паўла ІІ у Чэхіі

Сёньня сабор Сьвятога духа ў чэшскім горадзе Градзец Кралове прыняў мошчы Яна Паўла ІІ. Цырымонія прымеркаваная да 10-й гадавіны з дня сьмерці Папы рымскага.

Рэліквярый у выглядзе дараносіцы з крывёю й валасамі Яна Паўла ІІ рыхтаваўся год. Аўтарам зьяўляецца мастак Павал Сылітр.

Гэта не выпадкова, што мошчы Яна Паўла ІІ будуць знаходзіцца ў саборы ў гэтым горадзе. Генэральны вікарый сабора Ёзэф Соха ўзгадаў візыт польскага Папы ў 1997 годзе й яго добрыя адносіны зь мясцовым біскупам.

У цырымоніі прынялі ўдзел усе сьвятары дыяцэзіі Градзец Кралове, у тым ліку, тыя, хто былі таемна рукапаложаныя ў камуністычныя часы кардыналам Каралем Вайтылам у Кракаве.

яс