Ліянэль Мэсі пакідае зборную Аргентыны

Ліянэль Мэсі разьвітваецца з нацыянальнай зборнай па футболе Аргентыны. 29-гадовы футбаліст абвясьціў аб гэтым пасьля таго, як Аргентына прайграла Чылі ў фінале Кубка Амэрыкі (Copa America).

Матч завершыўся пэнальці 2-4. Ліянэль Мэсі ня выкарыстаў свайго шанцу й не забіў гола з адзінаццаці мэтраў.

„Я столькі разоў разам са зборнай Аргентыны спрабаваў стаць чэмпіёнам, але ніколі не атрымалася. У разьдзявальні я падумаў, што гэта быў канец майго ўдзелу ў нацыянальнай зборнай. Гэта ня для мяне”, - дадаў капітан аргентынскай зборнай і зорка ФК „Барсэлёна”.

Са зборнай Аргентыны Ліянэль Мэсі выйграў алімпійскае золата ў 2008 годзе й Чэмпіянат сьвету да 20 гадоў у 2005 годзе. У сваю чаргу прайграў чатыры фіналы - адзін падчас Чэмпіянату сьвету па футболе - у 2010 годзе й тры падчас Кубка Амэрыкі па футболе - у 2007, 2015 і 2016 гадах.

аз