Барак Абама накіроўваецца ў Гішпанію зь гістарычным візытам

З варшаўскага саміту NATO прэзыдэнт ЗША Барак Абама накіроўваецца ў суботу, 9 ліпеня, зь візытам у Гішпанію.

Гэта першая афіцыйная паездка амэрыканскага лідара цягам апошніх 15-і гадоў. Апошнім прэзыдэнтам, які наведаў гэтую ібэрыйскую краіну ў 2001 годзе, быў Джордж Буш-малодшы. Праз тры гады пасьля гэтага прэм’ер-міністар Гішпаніі Хасэ Люіс Сапатэра (Jose Luis Zapatero) загадаў вывесьці з Іраку гішпанскія войскі, што стала прычынай ахаладжэньня адносін паміж Мадрыдам і Вашынгтонам. Гішпанскія аглядальнікі падкрэсьліваюць, што візыт Абамы зьяўляецца прыкладам нармалізацыі стасункаў.

Дыпляматычныя захады, накіраваныя на тое, каб амэрыканскі прэзыдэнт прыехаў у Гішпанію, працягваліся некалькі гадоў. У гэтым таксама дапамог мінулагодні візыт у Белы дом караля Гішпаніі Філіпа VI і яго жонкі, каралевы Летысіі.

Барак Абама наведае Мадрыд і Сэвільлю. Лідар ЗША сустрэнецца з выконваючым абавязкі прэм’ер-міністра Марыяна Рахоем (Mariano Rajoy) і лідарамі апазыцыйных партый.

ЗША займаюць першае месца па інвэстыцыях у Гішпаніі, у сваю чаргу Гішпанія ў Злучаных Штатах – дзявятае. У Амэрыцы гішпанскія фірмы працаўладкоўваюць 81 тыс. чалавек.

Абама плянаваў правесьці з Гішпаніі тры дні, аднак візыт быў скарочаны на адзін дзень у сувязі з падзеямі ў Даласе. Надагаем, у гэтым горадзе падчас сутыкненьняў снайпэр застрэліў пяцярых і параніў шэсьцярых паліцэйскіх.

вс