Францыя абураная: стала вядома, колькі зарабляе цырульнік Франсуа Алянда

Асабісты цырульнік прэзыдэнта Францыі Франсуа Алянда зарабляе ў месяц амаль 10 тыс. эўра. Францускія сродкі масавай інфармацыі абвінавачваюць лідара сваёй краіны ў празьмерным марнатраўстве бюджэтных грошай.

Прэзыдэнцкі палац не згаджаецца з абвінавачваньнямі й зазначае, што цырульнік працуе паводле жорсткіх умоваў, за якія павінен атрымліваць салідны заробак. І так, ён ня мае права працаваць у іншым месца, а толькі з прэзыдэнтам. Акрамя таго, цырульнік павінен захоўваць у сакрэце ўсё пачутае і ўбачанае на працы. Ён таксама павінен выяжджаць з прэзыдэнтам у камандзіроўкі й быць гатовым прыехаць да высокапастаўленага кліента ў любы час сутак.

Францускія СМІ паведамілі, што цырульнік Француа Алянда зарабляе 9895 эўра штомесяц. Акрамя заробку, ён карыстаецца рознага роду сацыяльнымі прывілеямі й дапамогай.

Некаторыя францускія СМІ з сарказмам жартуюць, што на галаве Алянда амаль няма чаго ўкладваць, тым больш за такія грошы.

вс