Адбудуцца апошнія тэледэбаты кандыдатаў у прэзыдэнты ЗША

Кандыдаты ў прэзыдэнты ЗША сустрэнуцца сёньня ноччу паводле эўрапейскага часу падчас трэціх і апошніх тэледэбатаў. Для кандыдата рэспубліканцаў Дональда Трампа гэта адна з апошніх магчымасьцяў памяняць дынаміку кампаніі й адабраць перавагу ў кандыдаткі дэмакратаў Хілары Клінтан.

Паводле рашучай большасьці апытаньняў, менавіта Клінтан лідзіруе ў гонцы за Белы дом. Мільярдэр Трамп спрабуе пераканаць выбаршчыкаў, што кандыдатка дэмакратаў зьяўляецца часткай карумпаванай сыстэмы з удзелам элітаў, СМІ й буйных карпарацый.

Трэція прэзыдэнцкія дэбаты адбудуцца ў Лас-Вэгасе ў штаце Нэвада. Тэледэбаты павядзе Крыс Уолес (Chris Wallace) з тэлебачаньня „Fox News”. Журналіст паведаміў, што будзе пытацца ў кандыдатаў, між іншым, пра іміграцыю, дзяржаўны доўг, эканоміку, Вярхоўны суд, гарачыя кропкі ў сьвеце й падрыхтоўку да прэзыдэнцкіх паўнамоцтваў.

аз