Марцін Шульц ня будзе пераабірацца на пасаду кіраўніка ЭП

Кіраўнік Эўрапарлямэнта Марцін Шульц ня будзе пераабірацца на пасаду
старшыні палаты. У сваю чаргу ён намерваецца балятавацца на парлямэнцкіх выбарах у Нямеччыне ў наступным годзе.

Пра гэта паведаміла газэта „Sueddeutsche Zeitung”, спасылаючыся на крыніцы ў Сацыял-дэмакратычнай партыі Нямеччыны, СДПГ. Паводле іх, Марцін Шульц будзе балятавацца са сьпісу СДПГ у Паўночным Рэйне-Вэстфаліі.

Пакуль аднак невядома, ці Шульц будзе кандыдатам партыі на пасаду канцлера Нямеччыны. Паводле некаторых крыніц, кандыдатам СДПГ на гэтую пасаду будзе кіраўнік партыі Зігмар Габрыэль.

Марцін Шульц таксама лічыцца фаварытам сярод кандыдатаў на пасаду новага міністра замежных спраў Нямеччыны. Цяперашні кіраўнік нямецкай дыпляматыі Франк-Вальтэр Штайнмаер адмовіцца ад сваёй функцыі ў лютым, паколькі ён быў вылучаны на кандыдата на пасаду прэзыдэнта Нямеччыны.

аз