The Washington Post: У Крамлі сьвяткавалі перамогу Трампа

Прадстаўнікі расейскага ўраду сьвяткавалі перамогу Дональда Трампа на прэзыдэнцкіх выбарах у ЗША ў якасьці геапалітычнага трыюмфу Крамля, піша на сваім сайце The Washington Post.

Паводле дадзеных газэты, перахопленыя размовы членаў расейскіх уладаў сьведчаць пра тое, што расейцы віншавалі адзін аднаго з вынікамі галасаваньня 8 лістапада. Некаторыя зь іх казалі на тэму хакерскіх атакаў падчас выбараў у ЗША.

Сёньня прэзыдэнт ЗША Барак Абама атрымаў даклад разьведкі аб умяшальніцтве расейцаў у выбарчую кампанію ў ЗША. Белы дом паведаміў, што самы вялікі непакой Абамы выклікала „спроба падарваньня асноваў амэрыканскай дэмакратыі”.

Таксама сёньня з сакрэтным дакумэнтам пазнаёміцца новаабраны прэзыдэнт Дональд Трамп. На дадзены момант, ён пераконвае, што не існуе ніякіх доказаў таго, што гэта Расея была ініцыятарам хакерскіх нападаў.

аз