Лукашэнка наведае дзелавы форум у Каіры

У панядзелак, 16 студзеня, Аляксандр Лукашэнка наведае беларуска-эгіпецкі дзелавы форум у Каіры. Ён прыме ўдзел у цырымоніі яго адкрыцьця. Падчас форума пройдзе прэзэнтацыя тэхнікі МТЗ і МАЗа.

Кіраўнік Беларусі знаходзіцца з 15 студзеня з двухдзённым візытам у Эгіпце, пасьля чаго адправіцца ў Судан. У нядзелю Лукашэнка сустрэўся з прэзыдэнтам Эгіпта Абдэль Фатахам аль-Сісі й запрасіў яго наведаць Менск. Былі падпісаныя дзесяць дакумэнтаў аб супрацоўніцтве.

На сёньня ў Аляксандра Лукашэнкі заплянаваныя сустрэчы з прэм'ер-міністрам Эгіпта Шэрыфам Ісмаілам і старшынёй Палаты прадстаўнікоў Алі Абдэль Алем.

белта/эўрарадыё/вс