У Маскве абстралялі машыну адваката фігуранта справы Нямцова

У цэнтры Масквы абстралялі машыну адваката Марка Каверзіна, які абараняе Заура Дадаева, што абвінавачваецца ў забойстве Барыса Нямцова.

Марк Каверзін распавёў агенцтву „Масква”, што аўтамабіль абстралялі з траўматычнай зброі ля яго офісу ў раёне Парку культуры. Акрамя таго, у машыне „разьбілі шкляны дах”.

У сваю чаргу адвакат Заўрбек Садаханаў, які прадстаўляе інтарэсы Хамзата Бахаева, яшчэ аднаго фігуранта справы аб забойстве Нямцова, паскардзіўся на крадзеж дакумэнтаў.

Паводле абаронцы, ноччу ў яго машыне разьбілі шкло. З задняга сядзеньня выкралі сумку, у якой знаходзіліся матэрыялы па справе Нямцова, аўдыёзапісы судовых паседжаньняў, пасьведчаньне адваката, расейскі й замежны пашпарты.

Садаханаў дадаў, што, на яго думку, крадзеж дакумэнтаў „непасрэдна зьвязаная з гэтай справай”. „Я зьвярнуўся ў паліцыю з заявай аб крадзяжы”, - сказаў ён.

Суд па справе аб забойстве Барыса Нямцова працягваецца з кастрычніка 2016 году. Працэс праходзіць у Маскоўскім акруговым ваенным судзе.

Фігурантамі справы зьяўляецца пяць чалавек. Усе яны не прызнаюць сваёй віны.

hromadskeradio.org/аз