У аварыі на Львоўшчыне пацярпелі двое беларусаў

У сяле Карпацкае Туркаўскага раёна Львоўскай вобласьці падчас аўтамабільнай экспэдыцыі з гары зьляцела машына з двума мінчукамі. Пацярпелым аказалі першую мэдыцынскую дапамогу, брыгада хуткай дапамогі ўжо забрала іх у бальніцу, піша Zaxid.net.

У Львоўскай вобласьці з 28 красавіка па 1 траўня адбываецца трофі-экспэдыцыя «Карпацкі Кардон'18». Як распавёў адзін з каардынатараў мерапрыемства Аляксандр Рэванюк, удзельнікі павінны былі пракладаць уласныя маршруты, не паўтараючы іншых. Усяго ў мерапрыемстве плянавалі ўдзельнічаць некалькі дзясяткаў экіпажаў.

zaxid.nrt/nn.by/яс