У Генуі абваліўся мост: колькасьць ахвяр расьце

У выніку абрушэньня 14 жніўня аўтамабільнага моста каля італьянскага горада Генуя загінулі дзясяткі людзей. З-пад абломкаў ужо выцягнута некалькі аўтамабіляў, вадзіцелі і пасажыры якіх мёртвыя.

Дакладную колькасьць ахвяр пакуль устанавіць цяжка, працягваецца разбор завалаў.

Пад участкам моста, які абваліўся, таксама знаходзяцца гандлёвыя цэнтры, прамысловыя склады і некалькі жылых будынкаў.

Акрамя таго, пад мостам праходзіць чыгунка, якая злучае Геную зь Мілянам.

На месцы надзвычайнага здарэньня працуюць пажарныя, ратавальнікі і брыгады хуткай дапамогі.

Паводле інфармацыі італьянскіх СМІ, мост збудавалі ў 1960-я гады. Апошні рамонт быў у 2016-м.

Belta.by; Svaboda.org/вк