ЗША дамоўвіліся з Мэксыкай наконт міграцыі

Злучаныя Штаты й Мэксыка дамовіліся, што мэксыканскі бок прыме рашучыя дзеяньні, каб спыніць прыезд імігрантаў у ЗША.

У сваю чаргу Белы дом паабяцаў ня ўводзіць 5% тарыф на тавары з гэтай краіны. Прэзыдэнт ЗША Дональд Трамп напісаў у Твітэры, што прыпыніў рашэньне аб увядзеньні мытных пошлін у сувязі з дасягненьнем амэрыканска-мэксыканскага пагадненьня на нявызначаны тэрмін.

Новыя пошліны мелі пачаць дзейнічаць у панядзелак. Яны закраналі мэксыканскі экспарт у Злучаныя Штаты на суму звыш 350 мільярдаў даляраў.

Амэрыканскі прэзыдэнт заявіў, што «гэтыя меры павінны істотна зьнізіць альбо ліквідаваць цалкам нелегальную міграцыю з Мэксыкі ў Злучаныя Штаты».

пр/юл