Арангутаны ў Таронта атрымаюць пляншэты

Жывёлы, якія жывуць у заапарку ў Канадзе,  сумуюць. Яны маюць мала магчымасьцяў
для творчага разьвіцьця, і таму атрымаюць сучаснае абсталяваньне для
"задавальненьня".

Экспэрты падкрэсьліваюць, што арангутаны зьяўляюцца аднымі з самых разумных
малпаў. Яны хутка вучацца, могуць вырашаць складаныя задачы, могуць
кантактавацца з дапамогай знакаў. Аднак у заапарку ня так шмат магчымасьцяў 
для інтэлектуальнага разьвіцьця.
 
Арганізацыя "Orangutan Outreach" стварыла праграму, якая паляпшае якасьць
жыцьця малпаў у няволі. Праграма ўжо працуе ў ЗША.

Вызначана, што арангутаны добра спраўляюцца з праграмамі для прагляду 
фатаграфій і фільмаў або для маляваньня.

У Таронта шукаюць прыватных асоб і кампаній, якія захочуць аддаць жывёлам свае
пляншэты.
яс