Беларускае кіно сталее

Арганізатары кажуць пра заўважальныя вынікі фэстывалю — беларускае кіно зьдзейсьнілася. Экспэрты кажуць пра «асьцярожны аптымізм».

Сёлетні фэстываль падзелены на тры сэкцыі. Першая — «Трохкутнік» з польска-беларуска-ўкраінскай тэматыкай. Адзін з вядомых тут фільмаў — стужка Сяргея Лазьніцы «Майдан». Другая сэкцыя «У стылі маладога беларуса» прысьвечаная паказам сучаснай беларускай кінаальтэрнатывы. Трэцяя сэкцыя «Бацька і сын» — гэта фільмы пра вяртаньне ў мінулае беларускага кіно з мэтай дасягнуць новага кінастылю.

Падчас фэстывалю адбудзецца паказ апошная стужкі Андрэя Кудзіненкі “Hard Reboot”, які зноў сягнуў па незалежнае кіно. Фэстываль праходзіць 24-26 кастрычніка ў варшаўскім кінатэатры «Муранаў».

Пра лёс фэстывалю і пэрспэктывы беларускага кіно мы размаўляем зь вядомым беларускім культуролягам і кінакрытыкам Максімам Жбанковым.

Поўную размову слухайце ў гукавым файле.

Юры Ліхтаровіч