"Рабіць кіно - гэта маё захапленьне"

Штогод Асацыяцыя польскіх журналістаў прызнае ўзнагароды за найлепшыя журналісцкія працы за год. Гэта адзін з найважнейшых журналісцкіх конкурсаў у Польшчы, пра што сьведчыць і вялікі інтарэс да ўзнагароды ў прафэсійным асяродзьдзі. Сёлета на конкурс было пададзена 274 журналісцкія публікацыі. Журы прызнала ўзнагароды ў 13-ці катэгорыях, у першую чаргу за арыгінальнасьць ды наватарства, а таксама сьмеласьць у асьвятленьні цяжкіх тэмаў.

Учора ў Варшаве прайшла ўрачыстасьць уручэньне прызнаных узнагарод. Мы паразмаўлялі з ляўрэатам узнагароды імя Мацея Лукасевіча за прэмію ў катэгорыі "цывілізацыя й культура", вядомым беластоцкім рэжысёрам Юрыем Калінам. Журы конкурсу ўзнагародзіла ягоны фільм „Сярожа” пра лёс ды жыцьцёвы шлях жыхара белавескай вёскі Буды Сяргея Нічыпарука.

поўную размову слухайце ў гукавым файле

З ляўрэатам размаўляў Юры Ліхтаровіч