Каэфіцыент спагнаньня алімэнтаў у Польшчы - 19,5%

Алімэнты? У Польшчы ня плацяць. У Эўропе – так. Гэта артыкул з выданьня «Gazeta Wyborcza». У Польшчы праблема нявыплаты алімэнтаў датычыць каля аднаго мільёна дзяцей. Аднак гэта няпоўныя дадзеныя, паколькі шмат дзяцей застаецца з адным бацькам пасьля распаду нефармальных саюзаў, а некаторыя адзінокія бацькі не змагаюцца за грошы ад былога партнэра.

Затое ёсьць цьвёрдыя дадзеныя аб эфэктыўнасьці правапрымяненьня ў дадзеным выпадку. Толькі 19,5% засуджаных алімэнтаў удаецца атрымаць адзінокаму бацьку. Астатнія даўжнікі робяць усё магчымае, каб не плаціць – прыхоўваюць свае даходы, просяць наймальніка, каб даў магчымасьць працаваць нелегальна, а нават выяжджаюць з краіны. Польскае грамадзтва, на жаль, дазваляе такія выхадкі. Даўжнік можа разьлічваць на падтрымку працадаўцаў і знаёмых.

Ёсьць краіны, дзе каэфіцыент спагнаньня алімэнтаў вельмі высокі. У Даніі амаль 90% бацькоў іх плаціць. Калі ня плаціць бацька, то робіць гэта за яго дзяржава, таму дзяржаўныя органы зацікаўленыя ў тым, каб алімэнты спагнаць з даўжніка. У Польшчы як правіла адзінокі бацька сам прымушаны змагацца за грошы.

Gazeta Wyborcza/нг