Навукоўцы падлічылі, колькі трэба спаць

Колькі гадзін неабходна для ідэальнага сну? Дасьледчыкі з Унівэрсытэту Заходняга Антарыё (Канада) правялі найбуйнейшае ў сьвеце дасьледаваньне ў галіне сну, у выніку якога прыйшлі да нечаканых высноў. Артыкул пра гэта была апублікаваны ў профільным выданьні Sleep.

Канадзкім вучоным удалося сабраць дадзеныя больш чым 10 тысяч удзельнікаў. Каля паловы ўсіх апытаных як правіла спалі менш за 6 гадзін кожную ноч.

Навукоўцы вызначылі, што аптымальная колькасьць сну для падтрыманьня працаздольнасьці галаўнога мозгу складае ад 7 да 8 гадзін штодня. Але таксама зрабілі выснову, што людзі, якія спалі больш чым 8 гадзін, мелі тыя ж праблемы з успрыманьнем інфармацыі, што й тыя, хто спаў занадта мала.

Так, калі спаць менш 6 або больш 8 гадзін, то пагаршаецца мова й інтэлектуальныя здольнасьці. А вось кароткатэрміновая памяць заставалася адносна незакранутай, нават тады, калі чалавек спаў каля 4 гадзін.

На аснове дадзеных гэтага дасьледаваньня было падлічана, што эканоміка адной Канады траціць каля 21,4 мільярда даляраў з-за недасыпаньня насельніцтва.

яс