Монтэ-Крыста й пацукі

Бязьлюдная выспа Монтэ-Крыста змагаецца з атакай пацукоў. Выспу, распаложанаю паміж Апэнінскай паўвыспай ды Корсыкай, праславіў граф Монтэ-Крыста – герой рамана Аляксандра Дзюма.

Цяпер выспа зьяўляецца бязьлюдным запаведнікам прыроды. Пацукі, якія прыбылі на выспу на суднах, небясьпечна размножыліся. На кожны квадратны мэтар выспы выпадае 1 грызун. Таму ўлады вырашылі, што да канца студзеня неабходна правесьці дэратызацыю выспы. У сувязі са структурай паверхні акцыя зьнішчэньня пацукоў будзе праводзіцца з паветра. На выспу будуць скінутыя 26 тонаў атруты.

Спэцыялісты супакойваюць, што падобныя акцыі, дарэчы, пасьпяхова, праводзіліся таксама на Сардыніі ці Новай Зэляндыі.

аз