Расея ня выдасьць Януковіча

Расея ня выдасьць Украіне экс-прэзыдэнта Віктара Януковіча ды чальцоў яго сям'і. Пра гэта агенцтву Інтэрфакс паведамілі прадстаўнікі расейскіх праваахоўных органаў.

Паводле гэтай крыніцы інфармацыі, для экстрадыцыі Віктара Януковіча „няма ніякіх прававых падставаў”.

Сур'ёзным аргумэнтам у дадзеным выпадку, паводле расейскага боку, зьяўляецца факт, што Інтэрпол таксама адмовіўся ўнесьці прадстаўнікоў былога ўрада Ўкраіны ў міжнародны вышук.

Нядаўна прэзыдэнт Уладзімір Пуцін прызнаў, што гэта расейскія спэцслужбы дапамаглі Януковічу перабрацца спачатку ў Крым, а затым у Расею.

Нагадаем, Януковіч зьбег з Украіны ў канцы лютага ў выніку масавых антыўрадавых дэманстрацый. Як паведамляюць расейскія СМІ, ва Ўкраіне супраць яго й яго бліжэйшых супрацоўнікаў узбуджана некалькі крымінальных спраў.

аз