Беларусы прымуць удзел у вучэньнях у Расеі

З 2 па 5 верасьня на ваенным палігоне Раеўскі пад Новарасійскам (РФ) пройдуць сумесныя расейска-беларуска-сэрбскія тактычныя вучэньні „Славянскае брацтва - 2015”.

Як паведамляе прэс-служба беларускага Міністэрства абароны, ад Беларусі ў вучэньнях возьмуць удзел дзьве мабільныя роты 317-га асобнага гвардзейскага мабільнага батальёна 103-й асобнай гвардзейскай мабільнай брыгады сіл спэцыяльных апэрацый Узброеных сіл, усяго прыкладна 200 ваеннаслужачых і больш за 20 адзінак ваеннай і спэцыяльнай тэхнікі.

Адной з галоўнай мэт вучэньняў ставіцца арганізаваць узаемадзеяньне па пытаньнях далейшай сумеснай падрыхтоўкі й правядзеньня тактычных вучэньняў, а таксама адпрацаваць сумесныя дзеяньні падразьдзяленьняў узброеных сіл Беларусі, Расеі й Сэрбіі падчас вырашэньня задач па прызначэньні.

Мерапрыемства пройдзе з практычным дэсантаваньнем і баявой стральбой.

belapan.by/аз