Арыгінал Бібліі Гутэнбэрга дастаўлены з Нямеччыны ў Беларусь на выставу
Арыгінал Бібліі Гутэнбэрга дастаўлены з Нямеччыны ў Беларусь, паведамляе БЕЛТА. Фрагмэнт гэтага вельмі рэдкага кніжнага помніка захоўваецца ў Нацыянальнай бібліятэцы Нямеччыны ў Ляйпцыгу. Спэцыяльным рэйсам у суправаджэньні экспэртаў-кнігазнаўцаў, дыпляматаў і супрацоўнікаў аховы кніга прыбыла ў Нацыянальную бібліятэку Беларусі.
Гэта кніга лічыцца самым старажытным, знакамітым і дарагім выданьнем у Эўропе, яна стане экспанатам на выставе «Францыск Скарына і яго эпоха» ў Нацыянальнай бібліятэцы, якая будзе адкрыта для шырокай публікі 15 верасьня.
Біблія Гутэнбэрга традыцыйна лічыцца пунктам адліку гісторыі кнігадрукаваньня ў Эўропе і паваротным момантам у пераходзе ад сярэдневякоўя да сучаснага сьвету. Кніга, надрукаваная гатычным шрыфтам, прызнана шэдэўрам прыгожага друку і мастацкага майстэрства.
Біблія поўнасьцю надрукавана ў дзьве калонкі. Вялікія літары і загалоўкі выкананы ўручную з варыяцыямі малюнка. У сьвеце захавалася толькі некалькі экзэмпляраў унікальнага выданьня, і зусім невялікая колькасьць краін можа дазволіць сабе прадэманстраваць гэту кнігу публіцы. Магчымасьць прадставіць вельмі рэдкае выданьне ў Беларусі зьявілася дзякуючы садзейнічаньню пасольства ФРГ у Беларусі і Нацыянальнай бібліятэкі Нямеччыны. Каб дапоўніць вобраз унікальнага выданьня, побач з фрагмэнтам арыгінальнага помніка на выставе будзе дэманстравацца факсымільнае выданьне поўнай Бібліі Гутэнбэрга, выкананае ў 1913 годзе ў тым жа Ляйпцыгу. Сёньня гэта выданьне таксама лічыцца бібліяграфічнай рэдкасьцю, яно прыбыло на выставу з Расейскай дзяржаўнай бібліятэкі ў Маскве.
Арыгінал Бібліі Гутэнбэрга дастаўлены з Нямеччыны ў Беларусь, паведамляе БЕЛТА. Фрагмэнт гэтага вельмі рэдкага кніжнага помніка захоўваецца ў Нацыянальнай бібліятэцы Нямеччыны ў Ляйпцыгу. Спэцыяльным рэйсам у суправаджэньні экспэртаў-кнігазнаўцаў, дыпляматаў і супрацоўнікаў аховы кніга прыбыла ў Нацыянальную бібліятэку Беларусі.
Гэта кніга лічыцца самым старажытным, знакамітым і дарагім выданьнем у Эўропе, яна стане экспанатам на выставе «Францыск Скарына і яго эпоха» ў Нацыянальнай бібліятэцы, якая будзе адкрыта для шырокай публікі 15 верасьня.
Біблія Гутэнбэрга традыцыйна лічыцца пунктам адліку гісторыі кнігадрукаваньня ў Эўропе і паваротным момантам у пераходзе ад сярэдневякоўя да сучаснага сьвету. Кніга, надрукаваная гатычным шрыфтам, прызнана шэдэўрам прыгожага друку і мастацкага майстэрства.
Біблія поўнасьцю надрукавана ў дзьве калонкі. Вялікія літары і загалоўкі выкананы ўручную з варыяцыямі малюнка. У сьвеце захавалася толькі некалькі экзэмпляраў унікальнага выданьня, і зусім невялікая колькасьць краін можа дазволіць сабе прадэманстраваць гэту кнігу публіцы. Магчымасьць прадставіць вельмі рэдкае выданьне ў Беларусі зьявілася дзякуючы садзейнічаньню пасольства ФРГ у Беларусі і Нацыянальнай бібліятэкі Нямеччыны.
Каб дапоўніць вобраз унікальнага выданьня, побач з фрагмэнтам арыгінальнага помніка на выставе будзе дэманстравацца факсымільнае выданьне поўнай Бібліі Гутэнбэрга, выкананае ў 1913 годзе ў тым жа Ляйпцыгу. Сёньня гэта выданьне таксама лічыцца бібліяграфічнай рэдкасьцю, яно прыбыло на выставу з Расейскай дзяржаўнай бібліятэкі ў Маскве.
Белта/ав