Вараб'ёў: Пуцін прызнаў, што санкцыі нявыгадныя

EPA/MIKHAIL KLIMENTYEV

Штогадовая прамова Ўладзіміра Пуціна на форуме Фэдэральнага сходу была неадназначная, лічыць Яўген Вараб'ёў.

„З аднаго боку, як і чакалася, гэта была дэманстрацыя ваеннай, палітычнай і эканамічнай сілы Расеі, але з другога - прызнаньне слабасьці”, - лічыць аналітык Польскага інстытута міжнародных спраў.

Хоць Пуцін абвінаваціў Захад у эканамічнай агрэсіі, то адначасова прызнаў, што санкцыі былі ўдарам па Расеі, падкрэсьліў Вараб'ёў.

Яўген Вараб'ёў: Шмат сьведчыць пра тое, што Пуцін канчаткова прызнаў, што санкцыі разам з паніжэньнем цаны на нафту – гэта ўдар па эканоміцы Расеі. Рыторыка Крамля памянялася. Пуцін ужо заўзята не запэўнівае, што санкцыі непасьпяховыя й ня варта зьвяртаць на іх увагу. Цяпер бачная нейкая зьмена па гэтай справе.

Вараб'ёў адзначыў, што Ўладзімір Пуцін амаль не закранаў сытуацыі ў чачэнскай сталіцы, дзе мінулай ноччу баевікі занялі ўчастак паліцыі й Дом друку.

Уладзімір Пуцін выступіў на форуме Фэдэральнага сходу ўжо адзінаццаты раз.

аз