Дзярждума ратыфікавала пратакол СГА

Дзяржаўная дума ратыфікавала пратакол аб далучэньні Расеі да Сусьветнай гандлёвай арганізацыі (СГА).

Дакумэнт падтрымалі дэпутаты ад „Адзінай Расеі”, супраць выступілі фракцыі Камуністычнай партыі Расейскай Фэдэрацыі, Лібэральна-дэмакратычнай партыі Расеі ды „Справядлівай Расеі”.

Напярэдадні ля будынку ніжэйшай палаты расейскага парлямэнта прайшлі акцыі пратэсту, арганізаваныя камуністамі й актывістамі незарэгістраванай партыі „Іншая Расея”.

9 ліпеня Канстытуцыйны суд Расеі вырашыў, што падпісаны ў сьнежні 2011 года пратакол аб далучэньні Расеі да СГА згодны з расейскім Асноўным законам.

Расея стане паўнапраўным чальцом СГА пасьля таго, як дакумэнт ратыфікуе парлямэнт. Гэта павінна адбыцца да 23 ліпеня.

аз