У ЗША зачынілі пяць ганаровых консульстваў Расеі

У ЗША зачынілі пяць ганаровых консульстваў Расеі. Амэрыканскія ўлады назвалі гэта адказам на дзеяньні Масквы супраць сваіх дыпляматаў. МЗС Расеі выказала абурэньне крокам Вашынгтона й заявіла аб правакацыях супраць працаўнікоў расейскіх дыпляматычных прадстаўніцтваў.

Амбасада Расеі атрымала ад уладаў ЗША афіцыйнае апавяшчэньне аб неабходнасьці зачыніць пяць з шасьці ганаровых расейскіх консульстваў, якія працавалі ў Каліфорніі, Мінэсоце, Фларыдзе й Пуэрта-Рыка. Усе ганаровыя консулы зьяўляюцца грамадзянамі ЗША. У іх адкліканы акрэдытацыі. Статус захаваў ганаровы консул у Каларада.

У сваю чаргу ў пасольстве ЗША ў Расеі заявілі, што ганаровыя консульствы былі зачыненыя ў адказ на «расейскае ўмяшаньне ў нашу дыпляматычную консульскую дзейнасьць у РФ». Акрамя закрыцьця амэрыканскага цэнтра ў Маскве сваю працу вымушаныя былі спыніць яго 28 філіялаў у рэгіёнах Расеі.

вс