Рэджэп Таіп Эрдаган прыме прэзыдэнцкую прысягу 8 ліпеня

8 ліпеня Рэджэп Таіп Эрдаган прыме прэзыдэнцкую прысягу. Ён стане першым кіраўніком Турцыі пасьля ўступленьня ў сілу закону аб прэзыдэнцкай сыстэме. Згодна зь ім, прэзыдэнт будзе ўзначальваць ня толькі дзяржаву, але і ўрад.

8 ліпеня прысягу прымуць таксама 600 турэцкіх парлямэнтароў. Паводле новых правілаў, прэзыдэнт будзе самастойна прызначаць і звальняць міністраў, судзьдзяў і іншых службовых асоб. Ён таксама будзе мець магчымасьць падпісваць дэкрэты.

Дарадчыкі Рэджэпа Таіпа Эрдагана ўжо пачалі працу над новай структурай ураду. Пакуль не вядома, хто будзе прызначаны на пасады віцэ-прэзыдэнтаў і 16 міністраў.

Нагадваем, Рэджэп Таіп Эрдаган выйграў у першым туры прэзыдэнцкіх выбараў. Ён атрымаў 52,5% галасоў выбаршчыкаў. Яго самы сур’ёзны супернік Мухамэд Інджэ атрымаў 30,5% галасоў. Яўка на выбарах склала 88%.

аз