Энэргетычна палітыка - паразуменьня няма

Не дасягнута паразуменьне краінаў ЭЗ наконт правілаў, датычных энэргетычнай палітыкі супольнасьці. Гаворка ідзе, між іншым, пра надзвычайнае права Эўрапейскай камісіі на праверку газавых і нафтавых кантрактаў, якія заключаюць чальцы ЭЗ з трэцімі краінамі.

Перамовы прадстаўнікоў Эўракамісіі, Эўрапарлямэнту і ўрадаў чальцоўскіх краінаў пацярпелі фіяска.

Эўракамісія патрабуе большай празрыстасьці кантрактаў на пастаўкі газу й нафты. Апрача таго, эўразьвязаўскія чыноўнікі хочуць аналізаваць кантракты ды прапанаваць зьмены ў выпадку, калі дамовы, паводле іх, будуць пагражаць энэргетычнай бясьпецы супольнасьці.

Тым часам ня ўсе чальцоўскія краіны гатовыя выяўляць падрабязнасьці кантрактаў на пастаўкі энэрганосьбітаў.

аз