Сэкс за модную вопратку

film.interia.pl

Жудасная карціна вырысоўваецца з апытаньня падлеткаў 15-18 гадоў у гарадах, дзе заплянаваныя матчы EURO 2012. 1,5% падлеткаў прызналіся, што яны даюць платныя сэксуальныя паслугі.

Чаму моладзь вырашаецца на сэкс за грошы?- таму што хоча мець моднае адзеньне, касмэтыку, іншыя рэчы, - тлумачыць сацыёляг Моніка Сайкоўска. Яна лічыць, што дзяцей трэба папярэджваць аб наступствах такіх паводзін: што іх могуць шантажаваць, зьбіваць, яны могуць захварэць, іх прозьвішча можа быць занесена ў паліцыйныя рэгістры.

Паводле дадзеных Галоўнай камэндатуры паліцыі, у 2010 годзе паступіла 30 паведамленьняў аб прастытуцыі няпоўнагадовых, а годам раней – 120.

- Падчас спартыўных мерапрыемстваў сэкс-бізнэс зьбірае багатае жніво. У той час моцна ўзрастае попыт і адначсова прапанаваньне паслуг, - падкрэсьлівае сацыёляг Яцэк Кужэнта, аўтар кніжкі „Маладыя, прыгожыя й недарагія. Маладосьць у абдымках сэкс-бізнэсу”.

І таму на вакзалах, у аэрапортах, на памежных пераходах, у рэстаранах, гатэлях, у транспарце ў будучым годзе ад сакавіка да ліпеня будуць разьмешчаны плякаты зь інфармацыяй на польскай і ангельскай мовах, што за палавыя зносіны зь няпоўнагадовым у Польшчы пагражае 12 гадоў турмы.

Rzeczpospolita/яс